കൊലപാതകവുമായി ബന്ധപ്പെട്ട് പാര്‍ട്ടി ശക്തമായ നിലപാട് സ്വീകരിച്ചിട്ടുണ്ടെന്നും ഇതിന്റെ പേരില്‍ ആരും ഞങ്ങളെ ഉലത്താന്‍ നോക്കേണ്ടന്നും വൈദ്യുതി മന്ത്രി എം.എം. മണി. കുമളിയില്‍ മാധ്യമപ്രവര്‍ത്തകരോട് പ്രതികരിക്കുകയായിരുന്നു അദ്ദേഹം. കൊലപാതകത്തില്‍ ബന്ധമുള്ള പാര്‍ട്ടിക്കാരെ പുറത്താക്കി. കേസന്വേഷണവും അറസ്റ്റും തുടരുകയാണ്.
കൊലപാതകത്തിന്റെ പേരില്‍ മുതലെടുപ്പ് നടത്താനാണ് മുല്ലപ്പള്ളിയും കൂട്ടരും ശ്രമിക്കുന്നത്. നിയമം നിയമത്തിന്റെ വഴിയും അന്വേഷണം അതിന്റെ വഴിയെയും നടക്കുമെന്നും മണി വ്യക്തമാക്കി. റവന്യൂ മന്ത്രി സന്ദര്‍ശിച്ചത് ശ്രദ്ധയില്‍പെടുത്തിയപ്പോള്‍ അത് അയാളോട് ചോദിക്കാനായിരുന്നു പ്രതികരണം.
ഇതേസമയം മുഖ്യമന്ത്രി പിണറായി വിജയന്‍ കൊല്ലപ്പെട്ട യൂത്ത് കോണ്‍ഗ്രസ് പ്രവര്‍ത്തകരുടെ വീട് സന്ദര്‍ശിച്ചേക്കുമെന്നും സൂചനയുണ്ട്.
